27. ગામની ગાવલડી

ખરાબા ખેડાવા લાગ્યા, ચરવા ક્યાં જશે ગામની ગાવલડી ?

ગામડા શહેર થવા લાગ્યા અને ગોદરા ગામના ભુસાવા લાગ્યા,

કુણુ – કુણુ ઘાસ ચરવા ક્યાં જાશે ગામની ગાવલડી ?

વગડા થયાં વેરણ, ખડ ખાંવા ક્યાં જશે ગામની ગાવલડી ?

પછી કઇ સીમમાં ગોતી મળે બિચારી ગામની ગાવલડી ?

નદીના નીર સુકાયા, પાણી પીવા ક્યાં જશે ગામની ગાવલડી ?

તરસી તોફાને ચડે, લોક કહે રેઢિયાર છે ગામની ગાવલડી,

પાંપીયો માર એવો મારે પછી ભાગીને ક્યાં જશે ગામની ગાવલડી ?

મકાનો થયા ચુંનાબંધ, ખીલા ખોડવા ક્યાં હવે ?

રહે છે બીજે – ત્રીજે માળે, ગાવલડી બાંધવી ક્યાં હવે ?

નીણ – પુળો અને વાંછીદા કરે કેવી રીતે ગામની ગાવલડીનાં ?

આહિરોના આગણાની શોભા અને ભરવાડોની ભુજા છે ગામની ગાવલડી.

રબારીનાં હાકલા હેવાય છે ગોરી ગામની ગાવલડી.

ભુલાયુ આ બધુને શોધતી રહી આસરો ગામની ગાવલડી

ખાવાં મળે નય કાય, કસાય ભાળે તો પક્ડી લઇ પુરતાં પીંજરે,

ગાવલડી રાખવાવાળા જ નોધણાં કસાયના હાથમાં સોપતાં.

એમા ફરીયાદ કોને કરે એ બિચારી ગામની ગાવલડી ?

＂અખિલ＂ આપણે ＂મહિમા＂ ગાવાવાળાં ગામની ગાવલડીનો,

લુંટારા હજમ કરી ગયેલા છે, એમા ગોતવા ક્યાં જાશું ગામની ગાવલડી ?

ખરાબા ખેડાવા લાગ્યા, ચરવા ક્યાં જશે ગામની ગાવલડી ?

-       સંગીઅખિલ ＂અખો＂